Superou a un correoso A Merca nos Remedios

Na primeira metade as forzas estiveron máis igualadas aínda que os de Charli Álvarez tiñan máis controlada a situación. Pasada a media hora de xogo Numan abriría o marcador pero os visitantes empatarían catro minutos máis tarde nun saque de esquina mal defendido polos branquiverdes. Con empate a un tanto chegaríase ao descanso non sen antes vivir un momento de polémica pola anulación dun gol aos pabellonistas por un máis que dudoso fóra de xogo.

A segunda parte ofreceu un guión moi diferente xa que os nosos pasaron a dominar a un rival ao que lle costaba sair da súa parcela. Traspasado o ecuador deste periodo Iván anotaría o segundo nun lanzamento de falta. Isto deu máis tranqulidade ao Pabellón, que nos dez minutos finais aumentaría a vantaxe cos goles de Shuster e Carlos Conde para o definitivom 4-1. Ver ficha técnica.

Despois deste triunfo o equipo escalou á segunda posición empatado a 26 puntos co Cea, que non puido pasar do empate co Padrenda. Ver clasificación. Na próxima xornada, última da Liga Regular deste ano, toca visitar ao CD Palmés no campo de O Cruceiro. Unha semana máis tarde xogarán a eliminatoria a partido único co Antela CF da 1ª Autonómica.