Fútbol 11 / Excelente xornada
Non houbo derrotas nunha boa fin de semana para os nosos equipos, que soamente cederon un empate
Liga Galega Xuvenil (Tomiño 2-3 Pabellón "B")
Vitoria a domicilio para os de Anxo Valcárcel. Ao descanso o marcador era de empate despois de que Sergio neutralizase o tanto dos locatarios. Na segunda parte Carracelas daría vantaxe aos nosos anotando o segundo e despois de que os branquiverdes quedasen con dez pola expulsión de Coello (m.72), o Tomiño conseguiría empatar o partido. Sen embargo, o equipo non se amilanou pese ao empuxe dos anfitrios e López marcaría o definitivo 2-3 para sumar os tres puntos. Ver clasificación
División de Honra Cadete (Pabellón 3-2 Ural)
Os de Guillermo García fixeron un bo primeiro tempo no que obterían unha renda de dous goles anotados por José nunha fase cun disparo ao traveseiro de Santi. Á volta de vestuarios este mesmo xogador nunha acción similar colocaría o 3-0 que parecía sentenciar o choque. Sen embargo, os herculinos, que chegaban defendendo a terceira praza do grupo, non entregarían o partido recortando distancias con dous goles que deixaron un tenso e emocionante fin de partido. Ao final os puntos quedaron na casa e o equipo situouse terceiro. Ver clasificación
Liga Galega Cadete (Val Miñor "B" 0-2 Pabellón "B")
Cun gol nos últimos compases de cada tempo -Aitor e Manu- os de Miguel Alonso fixéronse cunha importante vitorias no campo de Condomínguez. Ver clasificación
Liga Galega Infantil (Pabellón 1-1 ED Arousa)
Reparto de puntos nos Remedios nunha cita na que os locatarios dominaron de principio a fin pero sen puntería no remate. Miguel adiantaría aos nosos e os de Vilagarcía empatarían na última acción da primeira metade. Na segunda parte os locatarios estiveron moi acelerados ante un rival que se defendía con uñas e dentes e co seu porteiro como principal protagonista. A vitoria tivo que quedar na casa pero o rival tamén deu un par de sustos. Ver clasificación
Liga Galega Infantil (Coruxo 0-2 Pabellón Promesas)
Traballado triunfo para os de Carlos Amorín en Fragoselo contra o colista do grupo cun gol en cada tempo -Ibai e Cougil-. O equipo suma seis puntos. Ver clasificación
1ª Autonómica Infantil (Pabellón "B" 4-3 Calasancio "B")
Partido apretado para os de Rubén García, que por dúas veces tiveron vantaxe de dous goles. Guzmán, Ribao, Velasco (penalti) e José fixeron os tantos. O equipo mantén vivas as opcións de meterse entre os cinco primeiros. Ver clasificación
