domingo. 26.09.2021 |
El tiempo
domingo. 26.09.2021
El tiempo

Fútbol 11 / Resumo da dobre xornada

Os equipos das Ligas Galegas tiveron de todo nas dobres confrontacións da ponte da Constitución

Os equipos das Ligas Galegas tiveron de todo nas dobres confrontacións da ponte da Constitución

Na Liga Galega Xuvenil o Pabellón "B" soamente puido arañar un punto (1-1) no campo dun Choco "B" colista do grupo. Os de Redondela marcarían primeiro no inicio da segunda metade e Iago Varela colocaría o empate a quince para o final. Anteriormente os nosos caeran nos Remedios (0-2) coa UD Ourense nun bo partido por parte dos branquiverdes sen recompensa. Un gol anulado aos nosos co marcador a ceros puido cambiar o desenlace final.

O Pabellón "C" da 1ª Autonómica Xuvenil comezou con bo pé o Play Off ao vencer (1-2) no campo de Oira ao Ourense CF "B". Ao descanso o marcador era de empate (1-1) despois de que os locatarios neutralizasen o gol madrugador de Antón, que acabaría expulsado por dobre cartón amarelo nos últimos instantes. Un tanto en propia meta avanzdo o segundo tempo facilitaría a vitoria para os de Marcial González.

Na dobre xornada de xoves e sábado o Pabellón da División de Honra Cadete sumou catro puntos como consecuencia do empate con Atlético Montañeros (2-2) no campo de Leyma cun gol de José e outro en propia meta no desconto. Na cita do sábado os de Guillermo García superaron nos Remedios (3-0) ao Racing de Ferrol cos tres tantos na segunda metade -José (2) e Anxo-.

Tamén lle foi ben ao Pabellón "B" da Liga Galega Cadete na dobre xornada ao facer un pleno de vitorias. Primeiro sumaba os tres puntos nos Remedios contra o Moaña (3-2) nun partido que resolvería con moitos problemas despois de que Aitor, Diego e Héctor anotasen os goles. Dous días máis tarde volvìa a gañar no Manuel Pahiño ao Alertanavia (2-3). Gabriel, Mauro e Xurxo fixeron os tantos nun partido no que chegamos a ter eses tres goles de diferenza.

O Pabellón Promesas da 1ª Autonómica Cadete tivo dobre xornada contra o mesmo rival, a EDC Verín "B". Primeiro foi nos oitavos de final da Copa Deputación o xoves festivo, no que se impuso con claridade (5-1) con goles de Damián (3), Chema e Falú. Nos cuartos de final terán como rival á EDC Xinzo o 3 de marzo. Mentres, no Torneo Base superaron novamente aos verinenses con solvencia (6-0) nunha cita na que repetiron os mesmos goleadores: Damián (4), Chema e Falú.

O Pabellón da Liga Galega Infantil tamén fixo un pleno de triunfos. Na xornada festiva vencía á ED Ourense (0-4) no campo dos Salesianos con tantos anotados por Amills (2), Raúl e Sergio. O sábado volvía a sumar os tres puntos contra o EF Porteiro 2000 (3-0) despois de marcar os tres goles na primeira metade por medio de Amills (2) e 1 pp.

Pola súa parte, o Pabellón Promesas non puntuo na dobre xornada ao caer primeiro co Santa Mariña nos Remedios (0-5) e despois en Redondela contra o Choco por idéntico marcador (5-0).

Finalmente, o inicio do Play Off da 1ª Autonómica Infantil no foi fructífero para o Pabellón "B", que caía nos Remedios contra a UD Ourense (4-6). Os catro goles dos visitantes na primeira metade foron unha lousa de cara a un segundo tempo no que os de Rubén García fixeron un parcial de 4-2. Cerdeira, Adrían, Ribao e Pitu anotaron os tantos.

Fútbol 11 / Resumo da dobre xornada