1-2 | Vitoria do Xuvenil A nun campo maldito

DOMINGO 12/10/2025 (12:15)  Campo: CONDOMÍNGUEZ (150)

ED VAL MIÑOR B: 1 – PABELLÓN CF: 2 (0-1) 

O Pabellón sumou tres puntos a domicilio de moito valor, que sirven para cortar unha racha negativa despois de tres derrotas consecutivas e tamén para obter o primeiro triunfo nun campo onde nunca habían gañado, no partido correspondente á sexta xornada da Liga Nacional Xuvenil e que deixa ao equipo con 9 puntos.

Os de Rubén García completaron un partido moi serio e ao descanso xa tiñan vantaxe mínima cun gol de Nico tras unha boa acción de Iker Regueira. Nesta fase os ourensáns tiveron ocasións para que o marcador fose máis amplo, pero a falta de puntería evitouno.

No segundo tempo un novo tanto do alaricán Nico ampliou a vantaxe para os branquiverdes para culminar unha boa acción de Lucas. Sen embargo os de Nigrán acortarían distancias instantes despois por medio do recén incorporado Pedro, pasando a disputarse un partido moi intenso no que os pabellonistas estiveron firmes en defensa e incluso gozarían dalgunha oportunidade para matar o enfrontamento.

Na próxima xornada reciben no Miguel Ángel ao CD Lugo B, cuarto clasificado con 13 puntos.

FICHA TÉCNICA

ED Val Miñor B: Manuel, Mariño (Pedro, m.53), Borja, Soage (Dosantos, m.53), Alexandre, Pablo, Román, Durán, Martín (Sergio, m.46), Nacho (Miguel, m.46) e Mateo (Senra, m.46).

Pabellón CF: Roberto, Gael (Iván, m.46), Tiago, André, Guille, Ander, Melguizo, Nico (Bruno, m.76), Jesús (Samuel Ferraz, m.82), Lucas (Mancebo, m.82) e Iker Regueira (Tiago Cerdeiro, m.58).

Árbitro: Darío Costas Rodal, asistido nas bandas por Díaz González e Casal Almeida (Comité Galego-Vigo). Amonestaron a Nacho (m.29) e Mateo (m.30) nos locais e nos visitantes a Gael (m.14), Guille (m.69), Mancebo (m.85) e Melguizo (m.89).

Goles: 0-1, m.41: Nico. 0-2, m.52: Nico. 1-2, m.54: Pedro.