2-4 | O Xuvenil "A" tivo opcións pero caeu
DOMINGO 01/12/2024 (12:00) Campo: MIGUEL ÁNGEL-OS REMEDIOS (300)
PABELLÓN CF : 2 – RC DEPORTIVO "B" : 4 (2-2)
Despois de catro vitorias consecutivas os pabellonistas caeron ante un rival que tivo mellor pegada no partido da decimoterceira xornada da Liga Nacional Xuvenil.
O cadro herculino viuse moi cedo cun marcador favorable de dous goles nos primeiros dez minutos de partido. As dúas primeiras chegadas herculinas acabaron en gol -Miguel e Lucas- e iso foi un duro golpe para os locatarios.
Sen embargo, os branquiverdes non tiraron a toalla e fixeron caso das advertencias do seu técnico nas horas previa ao partido "non podemos nublarnos se encaixamos" e iso foi o que fixo o seu equipo no resto da primeira metade.
Con esa diferenza de dous goles non quedaba outra que marcar un gol para "volver" ao partido e chegarían as ocasións. Álex Riveiro acortaría distancias nunha contra con apenas vinte minutos de xogo, o que deu alas aos ourensáns, que por medio de Youness tiveron a igualada e incluso os locatarios reclamarían unha pena máxima por derribo do dianteiro, pero o colexiado non estimou tal infracción.
Nuns minutos moi bos dos pabellonistas unha nova acción rápida ofensiva acabaría cun servizo de Soriano a Álex Riveiro para que o "11" local devolvese as táboas ao marcador, chegándose ao descanso co 2-2.
Segundo tempo
Despois do paso por vestiarios os primeiros minutos foron para os de Iván Alonso, que tiveron ata tres oportunidades, dous man a man de Álex Riveiro e un disparo de Youness, para tomar vantaxe, pero nas tres accións a resposta do meta herculino Pablo foi determinante.
Cando mellor estaba o Pabellón chegaría o 2-3 deportivista nun remate de Miguel tras un desaxuste defensivo que permitiu o centro de Xabi, dun rival que ata ese momento soamente había gozado de maior posesión, sí, pero con apenas tres saques de esquina sobre a portería de Abraham como bagaxe ofensivo.
Restaban uns vinte minutos para finalizar e o adestrador local moveu pezas de corte ofensivo, pero o Deportivo controlou a situación pese a algunhas chegadas ao área dos pabellonistas. Xa no desconto chegaría o cuarto dos coruñeses nun remate de Borja.
Con este resultado o Pabellón segue ocupando o terceiro lugar na clasificación e polo tanto mantén a primeira praza que permite o ascenso á División de Honra.
O venres na Gándara
A cita aprazada con Valladares da xornada decimosegunda disputarse o venres 6 de decembro ás 12 horas no campo de A Gándara. Na fin de semana do 7 e 8 non haberá competición.
FICHA TÉCNICA
Pabellón CF: Abraham, Jorge (Frank, m.36), Tiago (Mociño, m.87), Lamús, André, Ander, Soriano, Gómez (Álex García, m.74), Joel, Álex Riveiro e Youness (Lucas, m.69).
RC Deportivo "B": Pablo, Vergara, Jorge, Santiago (Yago, m.62), Xabi, Telmo, Trillo (Guille, m.62), David (Borja, m.82), Miguel, Mauro e Lucas (Samba, m.82).
Árbitro: Brais Rodríguez García, asistido nas bandas por Martín Rodríguez e Alonso Sánchez (Comité Galego-Ourense). Amonestou a Ander (m.45), Gómez (m.53), Joel (m.90) e ao técnico local Iván Alonso (m.47). Nos visitantes viu cartón amarelo Frank (m.72).
Goles: 0-1, m.7: Miguel. 0-2, m.10: Lucas. 1-2, m.19: Álex Riveiro. 2-2, m.41: Álex Riveiro. 2-3, m.69: Miguel. 2-4, m.90: Borja.
