O Pabellón logrou unha vitoria no campo dos Remedios ante o Val Miñor baixo unha intensa calor, nun encontro no que só había tres puntos en xogo xa que os dous equipos afrontaban o choque descendidos: 2-1
A primeira metade comezou cun pase de ida e volta que o equipo visitante aproveitaría cun gol de Dani Pascual na primeira aproximación á área local. Incluso Iker puido marcar o segundo para os pontevedreses pero o seu disparo dende boa posición petou nun defensa e o balón marchou a córner.
Os pabellonistas comezaron a crear as súas ocasións despois da media hora de xogo. Tumbeiro, de cabeza, igual que Langa, e dous remates de Iago Outeiriño non chegaron á rede. Un contra o Val Miñor no medio destas accións non acabou en gol en remate de Arango completamente só no punto de penalti.
Segundo tempo
Na segunda parte non houbo dominador claro ata os minutos finais nos que o Val Miñor buscou o empate. Antes os de David Carnero utilizaran unha estratexia para darlle a volta ao partido. O primeiro gol foi nunha xogada de laboratorio á saída dun córner que Viso rematou cun remate de cabeza completamente só no longueiro.
Dous minutos máis tarde chegou o segundo nun lanzamento de falta directa executado maxistralmente por Iago Outeiriño. Tras esta acción quedaban vinte e cinco minutos nos que houbo ocasións para uns e outros. O mellor dos pabellonistas foi Edgar, o porteiro suplente que tivo que vestirse de xogador para substituír ao lesionado Adrián. O improvisado dianteiro local tivo o terceiro nun remate que Sandro desviou.
Cos visitantes ao ataque chegarían dúas ocasións que foron desbaratadas por Bruno. A primeira nunha acción de Andrés dentro da área pequena e a segunda nun disparo afastado de Santos, moi envelenado. Ao final o marcador non se movería e os ourensáns sumaron o seu quinto partido consecutivo en Os Remedios sen perder.
FICHA TÉCNICA
Pabellón CF (2): Bruno, Adrián (Edgar, m.75), Viso, Langa (Manu, m.67), Iago Outeiriño, Justino, Pablo, Parrilla, Esteban, Carlos (Raúl, m.67) e Tumbeiro (Iker, m.87).
ED Val Miñor (2): Hugo (Sandro, m.68), Tempe (Iker, m.54), Miguel (Nico, m.62), Chino (Ferre, m.54), Costa, Arango, Dani Pascual, Hugo Rodri, Andrés, Aarón (Santos, m.54) e Kevin.
Árbitro: Fernández Rodríguez, asistido nas bandas por Rodríguez García e Graña Rodríguez (Comité Galego). Amonestou a Pablo (m.27) e Raúl (m.70) nos locais e a Hugo Rodri (m.12) e Arango (m.49) nos visitantes.
Goles: 0-1, m.5: Dani Pascual. 1-1, m.63: Viso. 2-1, m.65: Iago Outeiriño.
Incidencias: Partido correspondente á trixesimoterceira xornada da División de Honors Xuvenil. Campo Municipal Miguel Ángel-Os Remedios de Ourense.
