O pasado sábado, en segunda convocatoria ás 11 horas, celebrouse a Asemblea Xeral Ordinaria convocada polo Presidente do club, nun dos salóns de actos do Liceo Recreo Ourensán para someter a aprobación os puntos que figuraban na orde do día. O acto contou coa presenza de 54 Socios en persoa e outros 32 que delegaron o seu voto aos asistentes para un total de 86 Socios.

En canto as contas da tempada 21-22, que foron aprobadas por todos os Socios, o club tivo como ingresos 237.011,03 euros e no capítulo de gastos a cantidade alcanzou os 239.847,47. Deste xeito a lquidación da campaña deixou un déficit de 2.836,44 euros. 

Con respeto ao orzamento do curso 22-23, que tamén foi aprobado por todos os Socios, a previsión do departamento económico sitúa a cantidade en 187.500 euros, lóxicamente a cantidad corresponde tanto a ingresos como a gastos.

No apartado do Informe de Socios e Aboados para a tempada 22-23, aprobouse, con 81 votos favorables e 5 negativos, a proposta da Xunta Directiva para deixar en 160 o máximo de asociados e en 100 os aboados tendo en conta a capacidade da bancada do campo dos Remedios. 

Finalmente, na exposición do Informe Xurídico do club por medio do directivo Francisco Caseiro, explicáronse os motivos polos que o club denegou unha moción de censura presentada por un grupo de socios neste ano.

O Presidente da entidade, Francisco Doforno, e a súa Xunta Directiva queren dar as grazas aos responsables do Liceo Recreo Ourensán polas facilidades dadas para que esta Asemblea Xeral Ordinaria poidese celebrarse nun dos salóns desta entidade.