Previa | O Xuvenil "A" quere despedir ben o ano
Pabellón CF – Alondras CF (Miguel Ángel-Os Remedios; domingo 22, 12:00 horas):
Último partido do 2024 que marca a decimoquinta xornada da Liga Nacional na que o conxunto local intentará despedir o ano cunha vitoria na mañá do domingo.
O Alondras preséntase nesta cita ocupando o posto doce na táboa clasificatoria con 17 puntos e cunha serie de tres derrotas consecutivas. Como visitante acumulan dous triunfos (Valladares e Arousa "B"), un empate (Racing) e catro perdidos nos que anotaron 9 goles e recibiron 15.
Os pabellonistas están na terceira posición con 31 puntos a falta de tres partidos para rematar a primeira volta. Ocupan a primeira praza de ascenso á División de Honra.
Iván Alonso non poderá contar para este partido por diferentes lesións con Álex Riveiro, David, Youness e Joel Pacios.
A arbitraxe correrá a cargo de Borja Cardoso Rodríguez, asistido nas bandas por Álvarez Blanco e Cid Seara, do Colexio de Ourense. Pinchando no seguinte enlace pódense ver os partidos e horarios da XORNADA 15.
