Previa | O Senior pecha a primeira volta co Coles

Pabellón CF - CD Coles (Miguel Ángel-Os Remedios; domingo 11, 16:00 horas):

O Senior pecha este domingo a primeira volta da Segunda Futgal no inicio do ano novo, cun compromiso ligueiro como local, onde recibirá ao Coles nun encontro marcado por obxectivos ben distintos para uns e outros.

O conxunto visitante, que trata de eludir problemas clasificatorios, chega a esta última xornada da primeira metade do campionato situado na décimo quinta posición da táboa con 14 puntos. Fóra da súa casa, o Coles amosou dificultades para sumar con regularidade, xa que nas oito saídas realizadas conseguiu un triunfo, un empate e seis derrotas, con oito goles a favor e vinte e dous en contra.

Pola súa banda, o Pabellón afronta a cita nun bo momento de forma. O equipo branquiverde ocupa a oitava praza con 25 puntos e encadea seis xornadas consecutivas sen coñecer a derrota, cun balance de tres empates e tres vitorias que reforzaron a confianza do cadro ourensán. Esta dinámica positiva permitiulle asentarse na zona media-alta da clasificación e mirar con optimismo cara ao futuro.

O obxectivo dos pabellonistas pasa por prolongar esa liña ascendente, facerse forte como local e sumar tres puntos que sirvan para pechar a primeira volta con boas sensacións, confirmando a melloría amosada nas últimas semanas e mantendo ao equipo ben posicionado dentro do grupo.

Nos de Toño Sanmartín non serán da partida Rubén, Enrique, Luis, Changui, Guzmán, Cacha e o sancionado Aldán, á espera do último adestramento deste venres e o adestrador terá que completar a convocatoria con xuvenís. 

Jimena Delgado Gómez estará a cargo da arbitraxe. Pinchando no seguinte enlace pódense ver os partidos e horarios da XORNADA 17.