El tiempo
sábado. 13.04.2024
El tiempo

LIGA NACIONAL XUVENIL

Previa | O Xuvenil "A", a por tres puntos vitais

Pabellón CF –  AJ Lérez (Miguel Ángel-Os Remedios; domingo 18, 12 horas):

Despois do parón da pasada fin de semana con motivo dos Carnavais, a escuadra branquiverde retoma a competición recibindo a un conxunto pontevedrés que o supera en dous puntos (22) na táboa clasificatoria do Grupo 1º da Liga Nacional, na xornada vinte e dúas.

Os de Iván Alonso e Brais Silva afrontan esta cita colocados no posto catorce con 20 puntos despois dunha racha de cinco partidos consecutivos sen gañar e nos que non conseguiu anotar. Os tres puntos son máis que necesarios ante un rival da súa liga.

Para este partido son baixas por sanción no campo os defensas Lamús Santi Granja, no banquillo o adestrador Iván Alonso e por lesión Manu Cougil, que este xoves comezou a traballar fóra do grupo. É dúbida a participación de Rubén "Machaca" e recuperan a Samuel. Todo isto a falta do último adestramento este venres.

Once puntos a domicilio suma o AJ Lérez despois de tres triunfos, dous empates e seis derrotas nos que anotou 13 goles e encaixou 23. No encontro da primeira volta os pontevedreses venceran 1-0.

O ourensán Manuel Casanova Cudeiro, asistido nas bandas por Daniel Cabano Docasar e Iago Borrajo Rodríguez, será o arbitro do encontro.

Pinchando no seguinte enlace pódense ver os partidos e horarios correspondentes á XORNADA 22.

Previa | O Xuvenil "A", a por tres puntos vitais