Presentado o Clinic RC Celta-Pabellón CF de Nadal
O Centro Comercial Ponte Vella, acolleu este mércores a presentación oficial do Clinic RC Celta–Pabellón CF, unha actividade formativa que unirá durante o Nadal o traballo conxunto entre ambas entidades.
No acto estiveron presentes o presidente do Pabellón CF, Fernando Lamas; o conselleiro e exporteiro do RC Celta, Sergio Álvarez; o responsable de desenvolvemento de negocio do club vigués, Fernando Iturbe; e o director das escolas celestes, Manu Gómez.
Cada un deles foron desmenuzando o desenvolvemento da actividade e salientaron a importancia de seguir xerando oportunidades de crecemento para os máis novos da provincia. Tamén entregaron unha camiseta do conxunto olívico ao presidente pabellonista.
Jorge Bermello, presidente do C.C. Ponte Vella, e conselleiro de Electrodomésticos Bermello, un dos principais patrocinadores do club, tamén asistiu ao acto como convidado.
O clinic, dirixido a nenos e nenas desde a categoría prebenxamín ata infantis, desenvolverase no campo Miguel Ángel–Os Remedios os días 22, 23, 24 e 26 de decembro, en horario de 9:30 a 14:00 horas. A actividade ofrecerá contidos formativos adaptados a cada grupo de idade, combinando sesións técnico-tácticas con dinámicas lúdicas propias do período vacacional.
As inscricións xa están abertas, cun 10% de desconto para os xogadores do Pabellón CF e Pabellón Promesas, reforzando así a implicación do club en facilitar o acceso a experiencias formativas de primeiro nivel.
