Se a semana pasada falamos de cara e cruz nos dous conxuntos pabellonistas, nesta temos que falar do mesmo aínda que cos papeis cambiados.
Primeira derrota do Pabellón CF no Play Off da 1ª Autonómica a mans da EDC Xinzo (5-4) no campo de A Moreira. O partido tivo moita emoción con varias alternativas no marcador e ao final a mellor definición dos limiaos acabou sendo decisiva. Mario, Xián, Pablo e Carballo marcaron para os de Manuel Doval, que seguen liderando a táboa.
Mellor fortuna correu o Pabellón Promesas no Torneo Ourense Base despois de superar ao CD Velle no Monte da Aira (2-6). Os de Marcial González encarrilaron o partido na primeira metade. Nico (4), Juan Ándrés e Xián foron os goleadores e o equipo suma 10 puntos na quinta praza.
