Aldán Limia, xogador en idade alevín do Pabellón Promesas Infantil, foi novamente convocado para un partido de adestramento da Selección Galega Sub-12 con vistas a preparar o Campionato de España de Fútbol 8 que se disputará en Madrid do 28 ao 30 de abril.

A citación está marcada para este martes 28 de febreiro ás 17.30 horas. Media hora despois comezará o adestramento e unha despois o partido de preparación no campo Municipal Manuel Regueiro da Estrada.