Tal e como estaba previsto este mércores tivo lugar nas instalacións de Os Remedios a presentación dos xogadores en idade alevín (2011 e 2012) dentro da modalidade de Fútbol 8. Felipe Quintela, presidente da Comisión Deportiva do club, deulles a benvida.

Foi unha primeira toma de contacto coa presentacións dos adestradores, que lles fixeron chegar as primeiras indicacións e os días de adestramento máis inmediatos. Algúns xogadores, aínda de vacacións, incorporaránse paulatinamente.