Previa | As numerosas baixas condicionan ao Xuvenil A
CD Areosa – Pabellón CF (A Xunqueira-Comesaña; sábado 11, 16:00 horas):
O Xuvenil "A" visita ao CD Areosa na decimosexta xornada do Grupo 1º da Liga Nacional, na que será a primeira cita do 2025 e a penúltima da primeira volta.
A escuadra branquiverde chega a este choque con 32 puntos e intentará levarse os tres puntos para continuar na terceira praza, que nestes intres conleva posto de ascenso. Inmediatamente detrás están Racing (28) e UD Ourense (28).
Pola súa parte, o Areosa está ubicado no decimocuarto lugar con 16 puntos. Os números dos vigueses na Xunqueira son de 1 vitoria, 2 empates e 5 derrotas. Anotaron 5 goles e recibiron 14.
O técnicos Iván Alonso e Xoel Docampo acumulan, como mínimo, sete baixas para este choque. As máis negativas son as de Álex Riveiro e Joel Pacios, que se perden o resto da tempada por sendas lesión de xeonllo.
Youness, David e Martínez, lesionado este martes, engrosan a enfermería e Jorge, con rotura de tabique nasal, podería xogar cunha máscara de protección.
Por outra parte, o lalinense Guti causou baixa no plantel e Gómez deberá cumprir un partido de sanción por acumulación de amonestacións.
A arbitraxe correrá a cargo de Rubén Extremadura Hernández asistido nas bandas por Cáceres Muñiz e Díaz Cancela, do Colexio de Vigo. Pinchando no seguinte enlace pódense ver os partidos e horarios da XORNADA 16.
