Previa | O Xuvenil "A", a pola vitoria ante un descoñecido
Pabellón CF – Bertamiráns FC (Miguel Ángel-Os Remedios; domingo 29, 12:00 horas):
A cuarta xornada na Liga Nacional depara un rival para os branquiverdes que milita por primeira vez nesta categoría despois de dar o salto dende o Grupo Norte da antiga Liga Galega.
Os de Ames aínda non puntuaron despois de medirse a adversarios como Coruxo (5-1) e Lugo (1-3), que a pasada campaña militaban na División de Honra eo Racing Ferrol (1-3), que estivo loitando polo ascenso no pasado curso.
Nos branquiverdes non estará por lesión Joel, ao tempo que Álex Riveiro e Lucas, entre algodóns, serán dúbida ata última hora. Quen está dispoñible se os técnicos o estiman oportuno, é Gómez tras cumplir un partido de sanción.
Sumar os tres puntos e convertir o Miguel Ángel nun fortín, é o obxectivo dos de Iván Alonso e Brais Silva, que suman 6 puntos de 9 posibles.
O colexiado do partido será Rubén Fernández Otero, asistido nas bandas por Guzmán Falcón e Cid Seara, do Colexio de Ourense.
Pinchando no seguinte enlace pódense ver os partidos e horarios correspondentes á XORNADA 4.
