Previa | Saída de pico e pala para o Senior

Rayo 21 CF - Pabellón CF (Eiroás; sábado 20, 19:30 horas):

En partido adiantado á tarde do sábado os branquiverdes visitan ao Rayo 21 na cita correspondente á terceira xornada da Segunda Futgal.

O equipo de Eiroás, tras un pleno de dúas vitorias, ocupa o primeiro posto do grupo pola maior diferenza de goles con respecto a Atlético Vilariño e Viana, que suman os mesmos puntos. Os triunfos foron ante Piñeira Seca (4-0) e Cenlle (0-1).

Os pabellonistas, que veñen de gañar o primeiro partido na casa, deberán adaptarse ás reducidas dimensións do terreo de xogo que requiere un fútbol práctico, sen florituras e con motas situacións de contacto. Para esta cita Toño Sanmartín terá as baixas de Xoel e Cacha e serán dúbidas ata última hora Luis, Rubén e Pede.

Gabriel Márquez Pérez é o colexiado designado para dirixir este partido. Pinchando no seguinte enlace pódense ver os partidos e horarios da XORNADA 3.