Máis actividade para o Celta Genuine-Ourense

A Escola Celta Genuine-Ourense está a afrontar o último trimestre da actividade con novas experiencias a modo de competición tanto na modalidade de Fútbol Sala como de Fútbol 8 na categoría Mixta Adaptada.

Este mércores desprazáronse á Cidade Deportiva de A Madroa para afrontar a  2ª xornada da Liga Galega de F8 que organiza a Federación Galega de Deporte Adaptado na categoría Mixta.

Os discípulos de Juan Varela xogaron ante Aspavi e Saladino, sumando unha vitoria (8-0) e unha derrota (7-3) respectivamente. Unhas semanas antes a esta actividade os celestes participaron na modalidade de Fútbol Sala con triunfo sobre o Ambar (6-5) e empate (4-4) ante Vilagarcía.