El tiempo
jueves. 28.03.2024
El tiempo

BENXAMÍS

Xornada completa para os benxamís

P1990940

Os catro equipos pabellonistas das dúas categorías estiveron aplicados na xornada da pasada fin de semana.

No Play Off da 1ª Autonómica o Pabellón CF acabaría superando nos Remedios (7-1) ao Ourense CF, un rival moi activo na primeira parte. Na segunda os de Enrique Silva marcaron distancias no marcador. Guillermo (2), Mario (2), Pablo, Breogán e Dani foron os goleadores dun conxunto que xa ten praza na Fase Galega ocupando a primeira praza do grupo.

Tamén estivo moi activo en ataque o Pabellón Promesas na confrontación coa ED Celanova nos Remedios (5-1) correspondente ao Torneo Ourense Benxamín. Os de Gabriel Prada garantizaron a primeira praza do grupo a falta dunha xornada. Dani (2), Marco, Teo e Gabriel.

Nova vitoria do Pabellón "B" no Play Off da 2ª Autonómica nesta ocasión a costa do Ourense CF "B" no campo de Oira (1-4). Ao descanso os de Abel Afonso xa tiñan camiño avanzado (0-2). Gabri (2), Augusto e Iago anotaron os tantos. Os nosos seguen líderes invictos e o sábado teñen uha dura proba co CD Allariz.

Moita emoción e goles na cita do Pabellón Promesas "B" contra o Peroxa (5-4) dentro do Grupo A da Copa Deputación da 2ª Autonómica. O partido xa prometía ao descanso (3-2). Mario (4) e Iván foron os goleadores. O equipo é segundo no grupo.

Xornada completa para os benxamís