¡Atención! Este sitio usa cookies y tecnologías similares. Si no cambia la configuración de su navegador, usted acepta su uso. Cerrar
icono-movil
Teléfonos de Contacto
900 80 92 42

Fútbol 11 l Boa xornada para os nosos

Fútbol 11 l Boa xornada para os nosos
25/03/2018
admin

Soamente unha derrota na xornada dos nosos con 23 goles anotados e 10 encaixados

A xornada desta fin de semana deixou un balance positivo para os equipos de Fútbol 11 dende o conxunto de 1ª Autonómica Xuvenil ata o Alevín que xoga o Torneo Conservas Calvo.

Play Off 1ª Xuvenil (Pabellón "C" 2-1 Calasancio "B")
Os de Miguel Alonso superaron aos monfortinos nun partido no que anotarían os dous goles na primeira parte por medio de Joel e Pablo Míguez. Na segunda os visitantes recortarían distancias pero o marcador non se movería máis ata o final. Ver ficha técnica. Despois deste triunfo equipo ocupa a terceira praza deste Play Off. Ver clasificación.

División de Honra Cadete (RC Deportivo 4-0 Pabellón)
Derrota clara para os de Guillermo García no Mundo do Fútbol nunha cita na que os herculinos se marcharían ao descanso cunha renda de tres goles (3-0). No segundo tempo as cousas estiveron máis equilibradas, polo menos no marcador, xa que o Deportivo non anotaría o cuarto ata os minutos finais. Ver ficha técnica. Pese á derrota co segundo -cunha diferenza de 21 puntos- o equipo segue ubicado na terceira praza. Ver clasificación.

Liga Galega Cadete (Pabellón "B" 2-2 Porriño)
Reparto de puntos no campo de Os Remedios nun partido que tivo un tempo para cada equipo. Na primeira metade mandaron os pabellonistas con dous goles obra de José e Santi, de penalti, e na segunda foron os visitantes quenes acabaría equilibrando a balazanza no desconto cunha pena máxima.

Ambos equipos xogaron con moitísima intensidade os oitenta minutos e o empate pódese calificar de xusto. Ver ficha técnica. Os branquiverdes son sextos na táboa, lonxe da zona de descensos por arrastre. Ver clasificación.


Copa Galicia Infantil (Bergantiños 3-3 Pabellón)
Na visita ao campo das Eiroas os pabellonistas parecían ter encarrilado o partido cos tres goles anotados na primeira metade (0-3) -Pinto (2) e Sampayo-, pero os de Carballo apretaron na segunda metade para rescatar un punto. Ver ficha técnica. O empate relega ao equipo á terceira praza. Ver clasificación.

Play Off 1ª Infantil (Pabellón "B" 6-0 Calasancio "B")
Partido cómodo para os locatarios no campo de Os Remedios. Ao descanso xa mandaban no marcador (2-0) e na segunda parte marcaron distancias con catro dianas máis. Xoel (3), Pedro Amorín, David e Aarón anotaron os tantos. Ver ficha técnica. Os branquiverdes son sétimos neste Play Off. Ver clasificación.

Play Off 1ª Infantil (Velle 0-2 Pabellón Promesas)
Tiña unha difícil saída ao Monte da Aira o conxunto pabellonista que acabaría resolvendo con dous goles na primeira metade obra de Iago e Isaac nunha fase do partido na que foi superior a un rival máis físico. Na segunda metade as cousas igualáronse máis pero sen tradescendencia no marcador. Ver ficha técnica. A vitoria deixa mantén ao equipo na primeira praza deste Play Off. Ver clasificación.

Torneo Conservas Calvo Alevín (Amio 0-8 Pabellón)
Segue forte o cadro pabellonistas, que suma os seus partidos por vitorias. Nesta ocasión superaba no campo do Sergas en Santiago a un debutante neste torneo. Os branquiverdes resolveron con catro goles en cada tempo. -Izan (3), Álvaro (2), Jorge, Alejandro e Neira-. 


Post Relacionados

Comentarios

Nadie ha publicado todavía ningún comentario. Sé el primero en publicarlo.

Deja tu comentario