O Pabellón CF dobregaba á UD Ourense (6-0) con dous goles na primeira metade e catro na segunda. Os de Manuel Doval foron de menos a máis diante dun correoso adversario. Mario, Higo, Santi, Pablo, Xián e Mateo foron os goleadores dun equipo que ocupa a primeira praza do Play Off.

Pola súa parte, o Pabellón Promesas estivo metido durante moitos minutos no partido contra o Barbadás (2-6) correspondente ao Torneo Ourense Base. Ao descanso os visitantes xa mandaban no marcador (2-3) e na segunda parte ampliaron distancias. Os tantos chegaron por medio de Juan Andrés e 1 en propia meta. Os nosos son quintos na táboa.